Beynəlxalq sərgi
Azərbaycanın müdafiə naziri general-polkovnik Zakir Həsənovun rəhbərlik etdiyi nümayəndə heyəti Çex Respublikasında Müdafiə, Daxili İşlər, Xarici İşlər nazirlikləri, Silahlı Qüvvələrin Baş Qərargahı, NATO qərargahı, Avropa Müdafiə Agentliyi və digər təşkilatların dəstəyi ilə keçirilən Beynəlxalq Gələcək Qüvvələr Sərgisinə qatılıb.
Mod.gov.az bildirir ki, tədbir milli və qlobal təhlükəsizlik hədəflərinin təqdimi və təşviqi, eyni zamanda müdafiə və təhlükəsizlik sahələri üzrə məlumat mübadiləsi məqsədilə keçirilən beynəlxalq platformadır.
Sərgidə 60-dan çox ölkənin 1200-dək şirkəti iştirak edir.
Müdafiə naziri bir sıra müdafiə şirkətlərinin rəhbərliyi ilə ikitərəfli görüşlər də keçirib.
