Rəqabət: Azərbaycan 140 ölkə arasında 69-cudur
Dünya İqtisadi Forumu qlobal rəqabətlilik indeksini açıqlayıb. Novator.az-ın məlumatına görə, Azərbaycan 140 ölkə arasında 69-cu yerdə qərarlaşıb.
Yeni reytinqə ABŞ başçılıq edir, Sinqapur ikinci, Almaniya üçüncü pillədədir.
İlk onluqda İsveçrə, Yaponiya, Niderland, Honkonq, Böyük Britaniya, İsveç və Danimarka da yer alır.
Estoniya 32-ci, Litva 40-cı, Latviya 42-ci, Rusiya 43-cü, Qazaxıstan 59-cu, Türkiyə 61-ci, Gürcüstan 66-cı, Ermənistan 70-ci, Ukrayna 83-cü, Moldova 88-ci, İran 89-cu, Qırğızıstan 97-ci, Tacikistan 102-ci yerdədir.
Çad qlobal rəqabətlilik indeksində sonuncu – 140-cı yeri tutur.
