Krımda faciəvi partlayış: ilkin versiya
Krım yarımadasının Kerç şəhərində faciəvi partlayışın terror aktı olduğuna dair şübhələr var. Novator.az-ın məlumatına görə, oktyabrın 17-si saat 12 radələrində Kerç Politexnik Kollecində baş verən partlayışda 10 nəfər ölüb, 50 nəfər yaralanıb.
Əvvəlcə qaz sızması versiyası barədə açıqlama yayılıb, ancaq az sonra Rusiyanın Milli Antiterror Komitəsi hadisəni partlayıcı qurğunun işə düşməsi ilə əlaqələndirib.
Krım Ukraynanın ərazisidir. 2014-cü ilin fevralında Rusiya Krımı işğal edib, mart ayında özünə birləşdirib. Dünya birliyi bu ilhaqı tanımır.
