9 ayda 44,8 min nəfər işlə təmin edilib
Əmək və Əhalinin Sosial Müdafiəsi Nazirliyinin hesabatına görə, 2018-ci ilin yanvar-sentyabr aylarında Dövlət Məşğulluq Xidməti 44,8 min nəfər işsiz və işaxtaran şəxsi işlə təmin edib.
Məlumata əsasən, bu il 7 minədək işsiz vətəndaşın özünüməşğulluq proqramı çərçivəsində kiçik ailə təsərrüfatlarının yaradılması planlaşdırılıb. 1 oktyabr 2018-ci ilə proqram üzrə təlim kurslarına 7,3 mindən çox şəxs cəlb olunub, kursları bitirərək biznes planları uğurlu hesab edilən şəxslərin mal və materiallarla təmin olunmasına başlanıb.
Yanvar-sentyabr aylarında nazirliyin xətti ilə ümumilikdə 2075 nəfər peşə hazırlığına cəlb olunub. Ödənişli ictimai işlərə cəlb olunanların sayı isə 865 nəfər göstərilir.
Dövlət məşğulluq orqanlarının peşəyönümü tədbirlərində 79,7 min nəfər gəncə məsləhətlər verilib.
