Vida mərasimi
Qarabağ müharibəsi veteranı Etimad Əsədov oktyabrın 16-da son mənzilə yola salınıb. Vida mərasimi Bakının Yeni Günəşli qəsəbəsində, mərhumun evində keçirilib.
Etimad Əsədov Fatmayı qəbiristanlığında torpağa tapşırılıb.
1963-cü il təvəllüdlü Etimad Əsədov oktyabrın 16-da ağ ciyər xərçəngindən vəfat edib.
Ağdam rayonunun Papravənd kəndində anadan olan Etimad Əsədov Qarabağ müharibəsi əlilidir. 1992-ci ildə Ağdərə istiqamətində gedən döyüşdə ayağını itirib.
1993-cü ildən Qarabağ Əlillər Cəmiyyətinin, 2002-ci ildən Qarabağ Qaziləri Birliyinin sədri olub.
Hüzr məclisi Yeni Günəşli qəsəbəsində, laçınlıların mərasim zalında keçirilir.
