Pensiya statistikası açıqlanıb
Əmək və Əhalinin Sosial Müdafiəsi Nazirliyi pensiya statistikası açıqlayıb. Rəsmi hesabata görə, 2018-ci il oktyabrın 1-nə Azərbaycanda pensiya alanların sayı 1 milyon 309 min nəfər olub. Bu, ölkə əhalisinin 13,2 faizi deməkdir. Pensiyaçıların 58,5 faizi yaşa, 11,5 faizi ailə başçısını itirməyə, qalanları əlilliyə görə pensiya alır.
Oktyabrın 1-nə pensiyaların orta aylıq məbləğinin 2017-ci ilin müvafiq dövrünə nisbətən 8,4 faiz artaraq 221,1 manata çatdığı bildirilir. Yaşa görə pensiyaların orta aylıq məbləği 9 faiz çoxalaraq 249,1 manata çatıb.
