Məzənnə yenilikləri
Mərkəzi Bank oktyabrın 16-da valyutaların çoxunu bahalaşdırıb. Novator.az-ın məlumatına görə, avro 1,9673, ingilis funt sterlinqi 2,2346, Rusiya rublu 0,0259, türk lirəsi 0,2937 manata qalxıb.
ABŞ dollarının rəsmi kursu yenə 1,7 manatdır, Çin yuanı (0,2455 manat), gürcü larisi (0,6379 manat), İsrail şekeli isə (0,4665 manat) dəyər itirib (Məzənnələr).
2015-ci ildə dolların rəsmi kursu 0,7844 manatdan 1,5594 manata qalxıb. 2016-cı ilə 1,7707 manatla nöqtə qoyulub. 2017-ci il 1,7001 manatla başa çatıb və həmin kurs 2018-ci il martın 7-dək qüvvədə olub. Martın 7-dən dollar banklara 1,7 manata təklif edilir.
Məzənnəni qorumaq üçün Mərkəzi Bankın yanvar-sentyabr aylarında keçirdiyi valyuta hərraclarında Dövlət Neft Fondu 4 milyard 639,6 milyon ABŞ dolları məbləğində vəsait satıb.
