Oktyabr yarılandı
Oktyabrın 15-də avro (1,9635 manat), gürcü larisi (0,6421 manat) və ingilis funt sterlinqi (2,2293 manat) ucuzlaşıb.
Novator.az-ın məlumatına görə, ABŞ dollarının rəsmi kursu 1,7 manat, Rusiya rublu 0,0257 manat həddində qalıb.
Bahalaşan türk lirəsini isə Mərkəzi Bank 0,289 manata satır (Məzənnələr).
2015-ci ildə dolların rəsmi kursu 0,7844 manatdan 1,5594 manata qalxıb. 2016-cı ilə 1,7707 manatla nöqtə qoyulub. 2017-ci il 1,7001 manatla başa çatıb və həmin kurs 2018-ci il martın 7-dək qüvvədə olub. Martın 7-dən dollar banklara 1,7 manata təklif edilir.
Məzənnəni qorumaq üçün Mərkəzi Bankın yanvar-sentyabr aylarında keçirdiyi valyuta hərraclarında Dövlət Neft Fondu 4 milyard 639,6 milyon ABŞ dolları məbləğində vəsait satıb.
