Rusiya separatçı rejimə nə qədər yardım edib?
Rusiya işğal etdiyi Gürcüstan torpağı Abxaziyaya 10 il ərzində 44 milyard rubl həcmində yardım edib. Novator.az-ın məlumatına görə, Şimali Qafqaz üzrə nazirin müavini İqor Koşin oktyabrın 12-si Suxumidə keçirilən Abxaziya-Rusiya forumunda belə deyib.
Abxaziyaya dəstəyin artırılacağını vurğulayan İqor Koşin bildirib ki, bölgəyə Rusiyadan 2016-cı ildə 5,8 milyard rubl, 2017-ci ildə 6,9 milyard rubl yardım alıb. Nazir müavini 2018-ci ilin dövlət büdcəsində Abxaziya üçün 8,6 milyard rublun nəzərdə tutulduğunu qeyd edib.
Gürcüstanın Abxaziya və Cənubi Osetiya bölgələri 1990-cı illərin əvvəlindən özünü müstəqil dövlət elan etmiş rejimlərin əlindədir. 2008-ci ildə Rusiya Abxaziya və Cənubi Osetiyanı işğal edərək onları müstəqil dövlətlər kimi tanımaq qərarı verib. Hər iki bölgədə Rusiyanın hərbi bazaları var.
Səidə Hüseynova
