39+1 (“Avroviziya 2019”a getmək istəyənlər)
Oktyabrın 12-dək 39 ölkə İsraildə keçiriləcək “Avroviziya 2019” mahnı müsabiqəsində iştiraka razılıq verib. Novator.az bildirir ki, Albaniya, Almaniya, Avstraliya, Avstriya, Azərbaycan, Belarus, Belçika, Bolqarıstan, Böyük Britaniya, Çexiya, Danimarka, Ermənistan, Estoniya, Finlandiya, Fransa, Gürcüstan, Xorvatiya, İrlandiya, İslandiya, İspaniya, İsveç, İsveçrə, İtaliya, Kipr, Latviya, Litva, Macarıstan, Makedoniya, Malta, Monteneqro, Norveç, Niderland, Polşa, Portuqaliya, Rumıniya, Serbiya, Sloveniya, Ukrayna, Yunanıstan İsrailə yollanmağa hazır olduqlarını açıqlayıblar. Ev sahibi ilə birlikdə potensial iştirakçıların sayı 40-a yüksəlib.
Yarışma gələn ilin mayında İsrailin baş şəhəri Tel-Əvivdə keçiriləcək. Birinci yarımfinal mayın 14-nə, ikinci yarımfinal mayın 16-na, final mayın 18-nə təyin olunub.
1956-cı ildən keçirilən “Avroviziya” yarışı ictimai teleradioları cəmləşdirən Avropa Yayım Birliyinin layihəsidir.
