Yeni sərəncamlar
Prezident İlham Əliyev sərəncam imzalayaraq vergilər naziri Mikayıl Cabbarova 3-cü dərəcəli dövlət vergi xidməti müşaviri (general-mayor) xüsusi rütbəsi verib.
1976-cı il təvəllüdlü Mikayıl Cabbarov 2017-ci il dekabrın 5-dən vergilər naziridir. O, 2003-cü ildən Azərbaycanda İxracın və İnvestisiyaların Təşviqi Fondunun prezidenti, 2004-cü ildən iqtisadi inkişaf nazirinin müavini, 2009-cu ildən “İçərişəhər” Dövlət Tarix-Memarlıq Qoruğu İdarəsinin rəisi, 2013-cü ildən təhsil naziri postlarını tutub.
Dövlət başçısının başqa sərəncamları ilə dəmir yolu nəqliyyatı sahəsində xidmətləri olan şəxslər mükafatlandırılıb. Rzayev Rizvan İlyas oğlu, Tahirov Tələbani Məhəmməd oğlu əməkdar mühəndis, Şükürov Adil Əvəz oğlu əməkdar həkim fəxri adları alıblar.
Sabir Fərzi oğlu Rzayevə prezidentin fərdi təqaüdü kəsilib.
Süleymanov Əlirza Məmməd oğlu, Hüseynov İqbal Əli oğlu 3-cü dərəcəli “Əmək” ordeni ilə, Abbasov Rəşad İlqar oğlu, Əliyev Emil Əliheydər oğlu, Əliyev İlqar Xeyrulla oğlu, Əliyev Mirağa Allahverdi oğlu, Əliyev Vaqif Hüseyn oğlu, Əliyev Zöhrab Qoca oğlu, Əlizadə Əli Tofiq oğlu, Əlizadə Mehman Vəkil oğlu, Hacıyev Qaməddin Abbasqulu oğlu, Hüseynov Abbas İsmət oğlu, İsgəndərov Ağayar Nəriman oğlu, Qasımov Akif Mustafa oğlu, Məmmədov Xalid Əbil oğlu, Mustafayev İlqar Abdulməcid oğlu, Nuriyev Kamran Nəriman oğlu, Rüstəmov Çingiz Xudaverdi oğlu, Rzayev Amil Əlirza oğlu, Şirməmmədov Yadigar Mübariz oğlu, Talıbov Şəmsəddin İsmayıl oğlu “Tərəqqi” medalı ilə təltif olunublar.
İlham Əliyev həmçinin 2018-ci ilin dövlət büdcəsindən Vətəndaşlara Xidmət və Sosial İnnovasiyalar üzrə Dövlət Agentliyinə 19,8 milyon ayrılmasına sərəncam verib. Vəsait Şəki “ASAN Həyat” kompleksinin layihələndirilməsi və tikintisinə xərclənəcək.
