Orta maaş nə qədərdir?
2018-ci il sentyabrın 1-nə ölkə iqtisadiyyatında muzdla çalışan işçilərin sayı ötən ilin eyni dövrü ilə müqayisədə 0,9 faiz artaraq 1 milyon 540,3 min nəfər olub. Novator.az-ın məlumatına görə, Dövlət Statistika Komitəsi bildirir ki, muzdla çalışan işçilərin 880,4 min nəfəri iqtisadiyyatın dövlət sektorunda, 659,9 min nəfəri qeyri-dövlət sektorunda fəaliyyət göstərib.
Hesabata əsasən, yanvar-avqust aylarında ölkə iqtisadiyyatında muzdla çalışan işçilərin orta aylıq nominal əməkhaqqı əvvəlki ilin müvafiq dövrünə nisbətən 3,1 faiz artaraq 541,2 manata çatıb.
Azərbaycan qanunvericiliyi pensiya kapitalının ildə bir dəfə ölkə üzrə orta aylıq nominal əməkhaqqının artım tempinə uyğun olaraq indeksləşdirilməsini nəzərdə tutur.
