Hərrac məlumatları
Əmlak Məsələləri Dövlət Komitəsinin 9 oktyabr hərracında 10 dövlət əmlakı özəlləşdirilib. Rəsmi məlumata görə, Bakının Hövsan qəsəbəsindəki təsərrüfat malları mağazası (ümumi faydalı sahəsi 248,8 kvadratmetr) 45 min manata satılıb.
Paytaxtın Bakıxanov qəsəbəsində ümumi faydalı sahəsi 57,8 kvadratmetr olan qeyri-yaşayış sahəsinə 15 min manat verilib. Xətai rayonundakı 50,4 kvadratmetrlik analoji obyektin hərracda son satış qiyməti 9 min manat olub.
Hərracda 4 kənd klubu sahibini tapıb.
Oktyabrın 16-da keçiriləcək hərraca ümumilikdə 83 dövlət əmlakı çıxarılıb. Onların 20-si səhmdar cəmiyyəti, 13-ü kiçik dövlət müəssisə və obyekti, 11-i qeyri-yaşayış sahəsi, 39-u nəqliyyat vasitəsidir.
