Ölkələrin iqtisadiyyatı: 2019-cu il proqnozları açıqlanıb
Beynəlxalq Valyuta Fondu (BVF) dünya iqtisadiyyatının icmalını yayaraq 2019-cu ilə proqnozlar verib. Novator.az-ın məlumatına görə, BVF 2019-cu ildə Azərbaycanda ümumi daxil məhsulun (ÜDM) 3,6% artmasını gözləyir.
Gürcüstan və Ermənistan iqtisadiyyatının gələn il 4,8%, Rusiya iqtisadiyyatının 1,8% böyüməsi proqnozlaşdırılır.
BVF-nin icmalında Türkmənistan üçün 5,6%, Özbəkistan və Tacikistan üçün 5%, Qırğızıstan üçün 4,5%, Moldova üçün 3,8%, Latviya üçün 3,3%, Estoniya üçün 3,2%, Belarus və Qazaxıstan üçün 3,1%, Litva üçün 2,9%, Ukrayna üçün 2,7% ÜDM artımı proqnozu yer alır.
Türkiyə iqtisadiyyatında 0,4% artım gözləndiyi, İran iqtisadiyyatının isə 3,6% geriləyəcəyi vurğulanır.
BVF ABŞ üçün 2,5%, İspaniya üçün 2,2%, Almaniya üçün 1,9%, Fransa üçün 1,6%, Böyük Britaniya üçün 1,5%, İtaliya üçün 1%, Yaponiya üçün 0,9% ÜDM artımı proqnozlaşdırır.
