Sentyabrda 238 nəfər pullu ictimai işə cəlb olunub
Əmək və Əhalinin Sosial Müdafiəsi Nazirliyinin məlumatına görə, sentyabr ayında 238 işaxtaran və işsiz vətəndaş Dövlət Məşğulluq Xidmətinin xətti ilə haqqı ödənilən ictimai iş alıb. 44 nəfərin xərcini məşğulluq mərkəzləri, 194 nəfərin xərcini müəssisələr çəkib.
Haqqı ödənilən ictimai işlərə Naxçıvan Muxtar Respublikasında 50, Gəncədə 15, Ağstafada 3, Daşkəsəndə 10, Qazaxda 16, Qaxda 10, Qəbələdə 4, Ağcabədidə 12, Beyləqanda 22, Hacıqabulda 20, Tərtərdə 20, Xocavənd rayonu üzrə 12 , Şamaxıda 44 nəfər cəlb olunub.
Arayışa əsasən, haqqı ödənilən ictimai işlər ilkin peşə hazırlığının olmasını tələb etməyən ictimai faydalı xarakter daşıyan iş yerləridir.
