Rusiya: hansı şəhərlərdə maaş çoxdur?
Ən yüksək və ən aşağı əməkhaqqı verilən Rusiya şəhərlərinin reytinqi açıqlanıb. Novator.az-ın məlumatına görə, reytinqi tərtib edən “RİA Novosti” agentliyi ən böyük 100 şəhərdə orta əməkhaqqı məbləğinin standart istehlak dəstinin dəyərinə nisbətini əsas götürüb.
Reytinq cədvəlinə Yujno-Saxalinsk şəhəri liderlik edir. 2018-ci ilin ilk 6 ayında bu şəhərdə orta əməkhaqqı 81,7 min rubl olub.
İkinci yerdə Salexard, üçüncü yerdə Surqut, dördüncü yerdə Xantı-Mansı şəhərləri gəlir. İlk beşliyi paytaxt Moskva qapadır.
İstehlak dəstinin dəyərinə nisbətdə ən yüksək əməkhaqqı verilən şəhərlər arasında Sankt-Peterburq, Krasnoyarsk, Kazan, Yekaterinburq, Ufa, Çelyabinsk və Omsk da var.
Ən aşağı əməkhaqqı Şaxtı, Nalçik, Mahacqala və Çerkessk şəhərlərində qeydə alınıb.
Səidə Hüseynova
