13 iddiaçıdan 2-si qaldı
Braziliyada oktyabrın 7-də keçirilən prezident seçkisi qalibi müəyyən etməyib. 13 iddiaçının heç biri 50 faizlik həddi aşa bilmədiyi üçün seçki yarışı ikinci tura qalıb.
Novator.az-ın məlumatına görə, istefada olan hərbçi, Sosial Liberal Partiyasının namizədi Jair Bolsonaru ilk turda 46,4% səslə önə çıxıb. Əmək Partiyasının namizədi, San-Paulu şəhərinin sabiq meri Fernandu Addad 28,6%-lə ikinci sırada qərar tutub. Oktyabrın 28-də keçiriləcək ikinci turda bu iki siyasətçi üz-üzə gələcək.
