Yol qəzasında 4 nəfər həlak olub
Oktyabrın 3-ü axşam Bərdənin Mehdili kəndi ərazisində ağır yol qəzasında Goranboy rayonun 4 sakini həlak olub. Report.az-ın məlumatına görə, “Shacman” markalı yük maşını ilə toqquşan “VAZ-21011” markalı minik avtomobilinin sürücüsü Azər Vəliyev və sərnişinləri – Zeynəb Rəcəbəliyeva, Rəna Rəcəbəliyeva, Rəvan Vəliyev hadisə yerində həyatlarını itiriblər.
Daxili İşlər Nazirliyinin Baş İstintaq və Təhqiqat İdarəsində cinayət işi başlanıb, araşdırma aparılır.
