Ucuzluq günü
Oktyabrın 4-də xarici valyutaların çoxu ucuzlaşıb. Novator.az-ın məlumatına görə, avro 1,9494, gürcü larisi 0,6495, ingilis funt sterlinqi 2,1978, Rusiya rublu 0,0258, türk lirəsi 0,2799 manata düşüb.
Mərkəzi Bank yalnız Argentina pesosu (0,0451 manat), Braziliya rialı (0,4356 manat), Moldova leyi (0,1006 manat) və Ukrayna qrivnasının (0,0602 manat) kurslarını qaldırıb.
ABŞ dollarının rəsmi qiyməti isə yenə 1,7 manatdır (Məzənnələr). Bu kurs martın 7-dən qüvvədədir.
Manatı qorumaq üçün Mərkəzi Bankın yanvar-sentyabr aylarında keçirdiyi valyuta hərraclarında Dövlət Neft Fondu 4 milyard 639,6 milyon ABŞ dolları məbləğində vəsait satıb.
Mərkəzi Bankın hesabatına görə, oktyabrın 1-nə valyuta ehtiyatının həcmi 5 milyard 534,5 milyon dollar olub.
