Pensiya yaşını artıran qanun rəsmiləşdi
Rusiya prezidenti Vladimir Putin oktyabrın 3-də pensiya yaşını yüksəldən qanunu imzalayıb. Qanuna əsasən, kişilərin pensiya yaşı 60-dan 65-ə, qadınların pensiya yaşı 55-dən 60-a qaldırılır. Artım 2019-cu ildən başlayaraq 6 aydan bir tətbiq ediləcək.
Novator.az xəbər verir ki, qanuna görə, pensiyaya vaxtından əvvəl çıxmaq istəyən kişilərin 42 il, qadınların 37 il stajı olmalıdır.
Sənəd parlamentin aşağı palatasından – Dövlət Dumasından sentyabrın 27-də, yuxarı palatasından – Federasiya Şurasından oktyabrın 3-də keçmişdi.
İlkin layihə qadınların pensiya yaşının 63-ə qaldırılmasını nəzərdə tuturdu. Ancaq Vladimir Putin qanunvericilik təşəbbüsü ilə çıxış edərək qadınlara 3 il güzəşt edilməsinə nail olub.
Səidə Hüseynova
