Gürcüstanda cinayətlərin sayı 58,5% artıb
2018-ci ilin yanvar-avqust aylarında Gürcüstanda 38 min 578 cinayət qeydə alınıb. Novator.az bildirir ki, rəsmi statistikaya görə, cinayətlərin sayı ötən ilin 8 ayı ilə müqayisədə 58,5% artıb. 2017-ci ilin yanvar-avqust aylarında 24 min 345 cinayətin rəsmiləşdiyi vurğulanır.
Statistikaya əsasən, bu il 12 min 77 oğurluq hadisəsi baş verib. Ailədə zorakılıq cinayətlərinin sayı 3 min 335, yol hərəkəti və nəqliyyatın istismarı qaydalarının pozulması cinayətlərinin sayı 2 min 321 göstərilir.
Ən çox törədilən cinayətlərin ilk beşliyində qanunsuz narkotik əldə etmə, saxlama və satma (1914 hadisə), dələduzluq da (1278 hadisə) cinayətləri yer alır.
8 ayda 1253 intihar həddinə çatdırma, 1142 hədələmə cinayəti qeydə alınıb.
Yanvar-avqust aylarında 14,2 min cinayətin üstü açılıb.
