4 ildə ilk dəfə: Azərbaycan neftinin qiyməti 85 dolları ötdü
Azərbaycan neftinin qiyməti son 4 ilin maksimumuna yüksəlib. AZƏRTAC-ın 2 oktyabr məlumatına görə, “AzəriLayt” markalı neftin bir barreli 85,94 dollara satılır. 85 dollar həddi sonuncu dəfə 2014-cü ilin noyabrında keçilmişdi.
London birjasında brent markalı neftin bir barreli 85,07 dollara, Nyu-York birjasında layt markalı neftin bir barreli 75,61 dollara təklif olunur.
Azərbaycanın 2018-ci il büdcəsində neftin qiyməti 55 dollardan götürülüb. “AzəriLayt” 2018-ci ilə 69,89 dollarla start verib.
