Yerevan merinin adı qətiləşdi
Ermənistanın Mərkəzi Seçki Komissiyası Yerevan Şəhər Şurasına sentyabrın 23-də keçirilmiş seçkinin nəticələrini təsdiqləyib. Novator.az bildirir ki, rəsmi qərara görə, 65 yerlik Şəhər Şurasına üç qüvvə düşüb. Baş nazir Nikol Paşinyanın dəstəklədiyi “Mənim addımım” bloku 57 mandatla birinci olub. Şəhər Şurasında mandatların yarıdan çoxunu əldə etdiyi üçün “Mənim addımım” blokunun namizədlərinin siyahısında birinci olan Ayk Marutyan Yerevan meri postunu tutmaq hüququ qazanıb.
Ayk Marutyan 1976-cı ildə Yerevanda doğulub. Dövlət Mühəndislik Universitetini bitirib. Aktyor, ssenarist, prodüserdir.
Çiçəklənən Ermənistan Partiyası Şəhər Şurasında 5, İşıq bloku 3 mandatla təmsil olunacaq.
