Sentyabr yola salındı
2018-ci ilin doqquzuncu ayının son rəsmi məzənnələri açıqlanıb. Novator.az-ın məlumatına görə, sentyabrın 28-də gürcü larisi (0,6508 manat), Rusiya rublu (0,0259 manat) və türk lirəsi (0,2847 manat) bahalaşıb.
Mərkəzi Bank ABŞ dollarının kursunu 1,7 manat həddində saxlayıb, ucuzlaşan avronu isə 1,9799 manata satır (Tam siyahı).
2018-ci ilə 1,7001 manat rəsmi məzənnə ilə başlayan dollar martın 7-dən banklara 1,7 manata təklif olunur.
Avro ilə 2,0431, Rusiya rublu 0,0297, türk lirəsi 0,4495, gürcü larisi 0,6601 manatla start verib.
Manatı qorumaq üçün yanvar-avqust aylarında keçirilən valyuta hərraclarında Dövlət Neft Fondundan 4 milyard 244,8 milyon dollar məbləğində vəsait alınıb.
