Vəzifəli general-polkovniklər
Dövlət Təhlükəsizliyi Xidmətinin rəisi Mədət Quliyev general-polkovnik ali hərbi rütbəsi alıb. Novator.az bildirir ki, bununla Nazirlər Kabineti üzvü olan general-polkovniklərin sayı 6-ya çatıb. Müdafiə naziri Zakir Həsənov, daxili işlər naziri Ramil Usubov, fövqəladə hallar naziri Kəmaləddin Heydərov, Dövlət Sərhəd Xidmətinin rəisi Elçin Quliyev də general-polkovnik rütbəsi daşıyırlar. Ədliyyə naziri Fikrət Məmmədovun isə I dərəcəli dövlət ədliyyə müşaviri (general-polkovnik) ali xüsusi rütbəsi var.
Dövlət postu tutan daha 4 nəfər – baş prokuror Zakir Qaralov (I dərəcəli dövlət ədliyyə müşaviri), Silahlı Qüvvələrin Baş Qərargah rəisi Nəcməddin Sadıqov, Xüsusi Dövlət Mühafizə Xidmətinin rəisi Vaqif Axundov, onun birinci müavini Bəylər Eyyubov da general-polkovnikdirlər.
