Universitetdə məşğulluq tədbiri
Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti sentyabrın 26-sı Odlar Yurdu Universitetində “Karyerada ilk addım” devizi altında aktiv məşğulluq tədbiri keçirib.
AZƏRTAC xəbər verir ki, tədbirdə biznes, bank, sığorta şirkətləri və xidmət sahəsi sektorlarının işəgötürən müəssisələri iştirak edib. Bakı rayonlarının məşğulluq mərkəzləri ilə əməkdaşlıq edən 53 işəgötürən müəssisə və təşkilatın qatıldığı tədbirdə 254 boş (vakant) iş yeri təqdim olunub.
