Jurnalistin həbs müddəti azaldılıb
Sentyabrın 26-sı Ali Məhkəmədə Jam.az saytının baş redaktoru Fikrət Fərəməzoğlunun şikayətinə baxılıb.
Fikrət Fərəməzoğlu 2017-ci il iyunun 30-dan həbsdədir. O, hədə-qorxu ilə külli miqdarda rüşvət almaqda təqsirli bilinərək 7 il müddətinə azadlıqdan məhrum olunub. Hökm Bakı Ağır Cinayətlər Məhkəməsində çıxarılıb, Bakı Apellyasiya Məhkəməsi qərarı dəyişməyib. Jurnalist apellyasiya instansiyasının qərarından kassasiya şikayəti verib.
“Report”un xəbərinə görə, kassasiya şikayətinə Ali Məhkəmənin hakimi Hafiz Nəsibovun sədrliyi ilə baxılıb və Fikrət Fərəməzoğlunun cəzası 7 illik həbsdən 6 ilə endirilib.
