“Azerspace-2”nin dövrü başladı
Azərbaycanın “Azerspace-2” peyki Fransa Qvianasındakı Kuru kosmodromundan orbitə buraxılıb. Peyk orbitə sentyabrın 26-na keçən gecə “Arianespace” şirkətinə məxsus daşıyıcı raketlə göndərilib.
“Azerspace-2”nin Avropa, Cənub-Qərbi Asiya, Yaxın Şərq, Afrika ölkələrini əhatə edəcəyi bildirilir.
Novator.az bildirir ki, “Azerspace-1” eyni məkandan orbitə 2013-cü il fevralın 8-də buraxılıb, Avropa, Afrika, Mərkəzi Asiya, Yaxın Şərq və Qafqazı əhatə edir.
