Xəstəlik harada çox öldürür?
Təbiblər 180 ölkədə xərçəng, şəkər, ürək, böyrək xəstəliklərindən ölənlərin sayına nəzər yetirərək təhlil aparıblar. Novator.az-ın məlumatına görə, alimlərin “Lancet” tibb jurnalında dərc olunmuş hesabatında 30 yaşdan 70 yaşına kimi şəxslərin qeyri-infeksion xəstəliklərdən ölməsi ehtimalı olan ölkələr sıralanır.
Kişilər üzrə siyahıya Monqolustan başçılıq edir. Fici ikincidir.
İlk onluqda Qazaxıstan, Türkmənistan, Rusiya, Belarus, Ukrayna, Gürcüstan, Kiribati və Şimali Koreya da var.
Alimlər 30 yaşdan 70 yaşına kimi qadınların qeyri-infeksion xəstəliklərdən ölməsi ehtimalının çox olduğu ölkələrin də adlarını açıqlayıb: Syerra-Leone, Fil Dişi Sahili, Qayana, Yəmən, Əfqanıstan, Papua-Yeni Qvineya, Mali, Lesoto, Haiti, Laos.
