Prezident rəy sorğusunda üçüncüdür
Ukraynanın “Reytinq” sosioloji qrupu 2019-cu ilin yazında olası prezident seçkisi ilə bağlı sorğu aparıb. Novator.az-ın məlumatına görə, sentyabrın 10-dan 18-nə qədər üzbəüz müsahibə yolu ilə keçirilmiş sorğuya 2 min 500-dən çox respondent qatılıb.
“Reytinq” bildirir ki, prezidentliyə potensial namizədlər arasında deputat Yuliya Timoşenko önə çıxıb. Sorğu iştirakçılarının 13,2%-i onu prezident görmək istəyir.
Respondentlərin 7,8 %-i şoumen Vladimir Zelenskiyə dəstək nümayiş etdirib.
Rəyi öyrənilən şəxslərin 6,8%-i indiki prezident Pyotr Poroşenkoya səs vermək niyyətində olduğunu deyib.
Sorğuya qatılanların 6,6 %-i sabiq müdafiə naziri Anatoli Qritsenkoya, 5,7%-i deputat Yuri Boykoya, 5,4%-i deputat Vadim Rabinoviçə, 5,2%-i deputat Oleq Lyaşkoya, 5%-i müğənni Svyatoslav Vakarçuka dəstək verib.
Ukraynada sonuncu prezident seçkisi 2014-cü il mayın 25-də olub. Həmin seçkidə Pyotr Poroşenko 54,7% səslə qalib gəlib.
