Azərbaycan turizmdə tərəqqi reytinqinə düşüb
Bloomberg.com turizmlə bağlı yeni statistika açıqlayıb. Hesabata əsasən, Azərbaycan 2017-ci ildə turizm istiqamətləri arasında ən çox tərəqqi eləmiş 10 ölkə arasına düşüb. Bir ildə Azərbaycanı ziyarət edənlərin sayının 20% artdığı vurğulanır.
Novator.az-ın məlumatına görə, turizmdə inkişaf reytinqinə 31,1% artımla San Marino başçılıq edir. Gürcüstan 27,9%-lə ikinci, İsrail 24,6%-lə üçüncüdür.
Bloomberg.com bildirir ki, 2017-ci ildə Türkiyəyə turist axını 24,14%, İslandiyaya 24,11%, Makedoniyaya 23,5%, Moldovaya 19,6%, Bosniyaya 18,66%, Ermənistana 18,65% artıb.
