Adambaşına ÜDM: ölkələr və rəqəmlər
Novator.az BMT-nin son İnsan İnkişafı İndeksi hesabatında adambaşına ümumi daxili məhsul (ÜDM) göstəricilərinə nəzər salıb.
Qətər adambaşına 116,8 min ABŞ dolları həcmində ÜDM-lə birinci yerdə durur.
İlk onluqda Lixtenşteyn (adambaşına ÜDM 97,3 min dollar), Sinqapur (82,5 min dollar), Bruney (76,4 min dollar), Küveyt (70,5 min dollar), Norveç (68 min dollar), Birləşmiş Ərəb Əmirlikləri (67,8 min dollar), Lüksemburq (65 min dollar), Honkonq (58,4 min dollar) və İsveçrə də (57,6 min dollar) yer alır.
ABŞ-da adambaşına ÜDM 54,9 min dollar, Almaniyada 46,1 min dollar, Kanadada 43,4 min dollar, Fransada 39,2 min dollar, Böyük Britaniyada 39,1 min dollar, Yaponiyada 38,9 min dollar, Cənubi Koreyada 35,9 min dollar, İtaliyada 35,2 min dollar, İspaniyada 34,2 min dollar, İsraildə 32,7 min dollar göstərilir.
Estoniyada adambaşına ÜDM 28,9 min dollar, Litvada 28,3 min dollar, Latviyada 25 min dollar, Türkiyədə 24,8 min dollar, Rusiyada 24,2 min dollar, Qazaxıstanda 22,6 min dollar, İranda 19,1 min dollar, Belarusda 16,3 min dollar, Azərbaycanda 15,6 min dollar, Türkmənistanda 15,5 min dollar, Çində 15,2 min dollar, Braziliyada 13,7 min dollar, Gürcüstanda 9,2 min dollar, Ermənistanda 9,1 min dollar, Ukraynada 8,1 min dollar, Özbəkistanda 6,4 min dollar, Hindistanda 6,3 min dollar, Moldovada 5,5 min dollar, Tacikistanda 3,3 min dollar, Qırğızıstanda 3,2 min dollardır.
Siyahını adambaşına 663 dollar ümumi daxili məhsulla Mərkəzi Afrika Respublikası qapayır.
Novator.az bildirir ki, rəsmi hesabata görə, 2018-ci ilin yanvar-avqust aylarında Azərbaycanda 50 milyard 521,9 milyon manatlıq (29,7 milyard dollar) ümumi daxili məhsul istehsal edilib. Əhalinin hər nəfərinə düşən ümumi daxili məhsul 5153,1 manata (3 min dollardan bir az çox) bərabər olub.
