Ukraynada içki bahalaşır
Ukraynada spirtli içkilərin minimal qiyməti artırılır. Novator.az xəbər verir ki, Dövlət Fiskal Xidməti sentyabrın 24-də belə açıqlama yayıb.
Yeni qərarla yarım litr arağın minimal pərakəndə satış qiyməti 89,4 qrivnaya (5,4 manat) qalxır.
0,7 litr təbii şərabın pərakəndə satış qiyməti 42 qrivnaya (2,5 manat) yüksəlir. Eyni həcmdə tünd şəraba və ətirli tünd şəraba 49 qrivna (2,9 manat), şampan şərabına 89 qrivna (5,3 manat) minimal qiymət qoyulur.
1 litr üç ulduz konyakın pərakəndə satış qiyməti 641,6 qrivna (38,8 manat) olur. Eyni həcmdə dörd ulduz konyakın pərakəndə satış qiyməti 696,7 qrivna (42,2 manat), beş ulduz konyakın pərakəndə satış qiyməti 758,3 qrivna (45,8 manat) səviyyəsinə qaldırılır.
Qərarın nə vaxt qüvvəyə minəcəyi açıqlanmayıb.
Səidə Hüseynova
