Qaradağda vulkan püskürür
Bakının Qaradağ rayonunda Otman-Bozdağ palçıq vulkanında püskürmə baş verib.
Ekologiya və Təbii Sərvətlər Nazirliyinin mətbuat xidmətindən Novator.az-a bildiriblər ki, birinci püskürmə saat 08:53-də, ikinci püskürmə saat 09:58-də qeydə alınıb.
Hazırda püskürmə davam edir.
Alovun hündürlüyü 200-300 metrdir. Ərazidə dərinliyi 40 metrə çatan çoxlu çat yaranıb.
Otman-Bozdağ vulkanı dünyanın ikinci böyük palçıq vulkanıdır. Burada son püskürmə 2017-ci ilin fevral ayının 6-da olub.
Otman-Bozdağ palçıq vulkanı Dövlət Təbiət Qoruğuna daxildir.
