Böyük beşlikdə nə var, nə yox?
Novator.az Avropanın aparıcı milli futbol çempionatlarının gedişinə nəzər salıb.
İngiltərə çempionatında 6 turdan sonra “Liverpul” maksimal nəticə – 18 xalla zirvədədir.
Lideri 16 xalla “Mançester Siti” və “Çelsi” təqib edir. “Uotford”un 13, “Tottenhem” və “Arsenal”in 12 xalı var.
5 turu geridə qalan İspaniya çempionatında “Barselona” və “Real” önə çıxıblar – 13 xal.
“Alaves” 10 xal yığıb. Bu komandanı 8 xalla “Selta”, “Atletiko” və “Jirona” izləyir.
İtaliyada 5 turun ardından 15 xalla “Yuventus” liderdir.
“Napoli” 12, “Fiorentina” və “Sassuolo” 10, “Latsio” və SPAL 9 xal yığıb.
Almaniya çempionatında 4 tur oynanıb, “Bavariya” 12 xalla liderdir.
“Herta” zirvə sahibini 10, Dortmund “Borussiya”sı və “Verder” 8 xalla izləyir.
Daha üç klub – “Volfsburq”, “Borussiya” (Mönhenqladbah) və “Maynts” 7 xal toplayıb.
Fransa çempionatında 6 turdan 18 xal əldə edən PSJ ən yüksəkdə qərar tutub.
“Lill” 13, “Monpelye” və “Tuluza” 11, “Marsel”, “Lion”, “Dijon” 10 xala sahibdir.
