Vyetnam prezidenti vəfat edib
Vyetnam Sosialist Respublikasının prezidenti Çan Day Kuanq sentyabrın 21-də vəfat edib. Novator.az-ın məlumatına görə, ağır xəstəlikdən əziyyət çəkən dövlət başçısının xəstəxanada keçindiyi açıqlanıb.
Çan Day Kuanq 1956-cı ildə anadan olub. Xalq Polisi və Xarici Dillər Akademiyasını, Xalq Təhlükəsizliyi Akademiyasını, Hanoy Hüquq Universitetini və Milli Siyasi Akademiyanı bitirib. Hüquq elmləri doktoru, professordur.
1975-1990-cı illərdə Vyetnam Daxili İşlər Nazirliyi sistemində yüksək vəzifələr tutub, 1990-cı ildən İctimai Təhlükəsizlik Nazirliyində çalışıb, 2011-cı ildən bu quruma başçılıq edib. Ordu generalıdır.
Çan Day Kuanq Vyetnam prezidenti postunu 2016-cı ilin aprel ayından tuturdu.
