Mir Cəlal küçəsi yeniləndi
Bakının Nəsimi rayonu ərazisindəki Mir Cəlal küçəsi əsaslı şəkildə yenidən qurularaq istifadəyə verilib. Avtomobil Yolları Dövlət Agentliyi bildirir ki, yenidənqurma işləri çərçivəsində küçənin eni 22 metrdən 24 metrə qədər genişləndirilib. Ayrıcı zolaqda yerləşən yüksək gərginlikli elektrik xətləri yolun altına köçürülüb.
Küçə boyu yağış-kanalizasiya sistemi bərpa olunaraq işlək vəziyyətə salınıb, zəruri yerlərdə yeni sistem qurulub, 53 ədəd yeni yağış barmaqlıqları və 160 ədəd kommunikasiya xətlərinin baxış qapaqları qoyulub.
9 min kvadratmetr mövcud piyada səkiləri bərpa olunub, kənarlarında olan köhnə səki daşları sökülərək yeniləri ilə əvəzlənib, ayrıcı zolağa tamet daşlar döşənib.
Küçə boyu yeni asfalt-beton örtüyü döşənəndən sonra yeni yol nişanları quraşdırılıb, yolun üfüqi nişanlanma xətlərinin çəkilişi işləri aparılıb.
