Ermənistan: Baş Qərargah rəisinin rütbəsi artdı
Ermənistan Silahlı Qüvvələri Baş Qərargahının rəisi Artak Davtyanın rütbəsi artırılıb. Novator.az-ın məlumatına görə, sentyabrın 21-də prezident Armen Sərkisyan baş nazir Nikol Paşinyanın təqdimatına baxaraq Artak Davtyana general-leytenant hərbi rütbəsi verilməsi barədə sərəncam imzalayıb.
Artak Davtyan 2018-ci il mayın 24-də Silahlı Qüvvələrin Baş Qərargah rəisi təyin olunub.
1970-ci ildə Armavir rayonunda anadan olan Artak Davtyan Moskva Ali Hərbi Məktəbini, Rusiya Müdafiə Nazirliyinin Hərbi Akademiyasını və Rusiya Silahlı Qüvvələri Baş Qərargahının Hərbi Akademiyasını bitirib.
1990-1994-cü illərdə Qarabağ müharibəsində iştirak edib, 1991-1992-ci illərdə xüsusi alayda xidmət keçib.
1992-2005-ci illərdə Ermənistan Ordusunun müxtəlif hərbi hissələrində rəhbər vəzifələr tutub.
2006-cı ildən Ermənistan Silahlı Qüvvələri Baş Qərargahının operativ idarəetmə xidmətinin rəis müavini, 2007-ci ildən rəisi vəzifələrində çalışıb.
2010-cu ildə general-mayor rütbəsi alıb.
2017-ci ildən korpus komandiri olub.
