Etimad İsmayılov qətlə yetirilib
Ədalət Partiyasının sədri İlyas İsmayılovun oğlu Etimad İsmayılov sentyabrın 19-u Türkiyənin İstanbul şəhərində öldürülüb. İş adamı olan Etimad İsmayılovun öz ofisində odlu silahla qətlə yetirildiyi xəbər verilir.
Türkiyə polisi qətldə şübhəli bilinən iki nəfəri tutub. Onlardan birinin azərbaycanlı olduğu açıqlanıb.
Etimad İsmayılov 1969-cu ildə Bakıda doğulub. Ali hüquq təhsili alıb. Azərbaycan Vəkillər Kollegiyasının üzvü olub. Bir müddət Rusiyada yaşayan Etimad İsmayılov 2008-2011-ci illərdə orada həbsdə yatıb, sonradan Türkiyəyə köçüb.
Etimad İsmayılov tanınmış jurnalist Sevil Nuriyevanın həyat yoldaşıdır.
1938-ci il təvəllüdlü İlyas İsmayılov Azərbaycanda baş prokuror, ədliyyə naziri postlarını tutub, Milli Məclisin üzvü olub.
