Çempionlar Liqası: 13 klubun titulu var
2018-2019 mövsümündə UEFA Çempionlar Liqasının qrup mərhələsində yarışan 32 komandadan 13-ü əvvəllər bu turnirin qalibi olub.
Novator.az bildirir ki, A qrupunda yer alan “Borussiya” (Dortmund, Almaniya) 1955-ci ildə yaradılmış, 1992-ci ilə qədər Çempionlar kuboku adlanmış turnirdə 1 dəfə hamını üstələyib.
B qrupundan “Barselona”nın (İspaniya) Çempionlar Liqasında 5, “İnter”in (İtaliya) 3, PSV-nin (Hollandiya) 1 titulu var.
C qrupundan “Liverpul” (İngiltərə) 5 dəfə, “Srvena Zvezda” (Serbiya) 1 dəfə turniri zirvədə bitirib.
D qrupundan “Portu” (Portuqaliya) 2 titulun sahibidir.
E qrupundan “Bavariya” (Almaniya) 5, “Ayaks” (Hollandiya) 4, “Benfika” (Portuqaliya) 2 zəfər qazanıb.
G qrupundan “Real” (İspaniya) 13 dəfə çempionların çempionu olub.
H qrupundan “Mançester Yunayted”in (İngiltərə) turnirdə 3, “Yuventus”un (İtaliya) 2 qələbəsi var.
