Vergi orqanlarına müraciətlər 10,5% azalıb
2018-ci ilin avqust ayında vergi orqanlarına daxil olmuş 7926 müraciətin 83,8%-i ərizə, 16,1%-i şikayət, 0,2%-i təklif xarakterlidir. Vergilər Nazirliyinin rəsmi hesabatına görə, ötən ilin müvafiq dövrü ilə müqayisədə müraciətlərin sayı 10,5% azalıb.
Avqust müraciətlərinin 38,6%-i müxtəlif arayışların alınması, 33,1%-i kameral vergi yoxlamaları, 8%-i vergi borcları, 3,7%-i vergidən yayınma, qanunsuz sahibkarlıq fəaliyyəti, nağd hesablaşmaların aparılması qaydalarının pozulması, 2,1%-i ƏDV, 1,7%-i vergi qanunvericiliyinin tətbiqi, 1,3%-i səyyar vergi yoxlamaları, qalanı vergi orqanlarının vəzifəli şəxslərinin hərəkəti (hərəkətsizliyi), operativ vergi nəzarəti tədbirləri, korrupsiya hüquqpozmaları və s. məsələlərlə bağlı olub. Baxılmış müraciətlərin 75,9%-i tam, 0,2%-i qismən müsbət həll edilib.
Ayı ərzində vergi orqanlarının vəzifəli şəxsləri 292 vətəndaşı qəbul edib.
