Dollardan baha
Novator.az ABŞ dollarından baha olan valyutaların siyahısına nəzər salıb.
Sentyabrın 19-da 1 avro 1,17 dollara təklif olunur.
1 ingilis funt sterlinqi 1,3 dollara dəyişdirilir.
1 İsveçrə frankı 1,03 dollaradır.
1 Bəhreyn dinarına 2,65 dollar almaq olar.
1 Küveyt dinarı 3,2 dollara satılır.
1 Oman realı 2,6 dollaradır.
1 Baham dolları isə 1 ABŞ dollarına bərabərdir.
2018-ci ildə dollar qarşısında ən çox dəyər itirən valyuta Argentina pesosudur. Bu valyuta dollara nəzərən 53,4% ucuzlaşıb.
Türk lirəsi dollara nisbətdə 38,6%, Braziliya rialı 20,6%, Cənubi Afrika rendi 17,2%, Rusiya rublu 15,2%, Hindistan rupisi 11,2%, İsveç kronu 9,4%, İndoneziya rupisi 8,4%, Avstraliya dolları 8,3%, Yeni Zelandiya dolları 7,6% devalvasiyaya uğrayıb.
Bu il martın 7-dən Azərbaycan Mərkəzi Bankı ABŞ dollarını 1,7 manata təklif edir. Bu, manatın devalvasiyaya uğradığı 2015-ci ildən bəri ən uzun sürən rəsmi kursdur. 2015-ci ildə dolların rəsmi kursu 0,7844 manatdan 1,5594 manata qalxıb.
2016-cı ilə 1,7707 manatla nöqtə qoyulub.
2017-ci il 1,7001 manatla başa çatıb və həmin kurs 2018-ci il martın 7-dək qüvvədə olub.
