İsrailə getmək istəyənlərin yeni siyahısı
Novator.az “Avroviziya 2019”da iştiraka ilkin razılıq verən ölkələrin siyahısına nəzər salıb.
Mahnı müsabiqəsi 2019-cu ilin mayında İsrailin baş şəhəri Tel-Əvivdə keçiriləcək. Yarmarkalar və Sərgilər Mərkəzinin ev sahibliyi edəcəyi yarışda birinci yarımfinal mayın 14-nə, ikinci yarımfinal mayın 16-na, final mayın 18-nə təyin olunub.
Sentyabrın 18-dək Albaniya, Almaniya, Azərbaycan, Belçika, Bolqarıstan, Çexiya, Danimarka, Estoniya, Finlandiya, Fransa, Gürcüstan, Xorvatiya, İrlandiya, İslandiya, İspaniya, İsveç, İsveçrə, Kipr, Latviya, Litva, Malta, Norveç, Niderland, Polşa, Portuqaliya, Serbiya, Sloveniya, Ukrayna, Yunanıstan İsrailə yollanmağa hazır olduqlarını açıqlayıblar.
1956-cı ildən keçirilən “Avroviziya” yarışı ictimai teleradioları cəmləşdirən Avropa Yayım Birliyinin layihəsidir.
