İctimai iaşə dövriyyəsi və ödənişli xidmətlərin dəyəri artıb
2018-ci ilin yanvar-avqust aylarında ictimai iaşə dövriyyəsi ötən ilin müvafiq dövrü ilə müqayisədə real ifadədə 6,4 faiz artaraq 905,9 milyon manat olub. Novator.az-ın məlumatına görə, Dövlət Statistika Komitəsi bildirir ki, özəl sektorda ictimai iaşə dövriyyəsinin 41,4 faizi hüquqi şəxs statuslu müəssisələrin, 58,6 faizi fərdi sahibkarların payına düşür. Hüquqi şəxs statuslu müəssisələrdə dövriyyə 2017-ci ilin 8 ayı ilə müqayisədə 6,5 faiz artaraq 370,8 milyon manata çatıb.
Rəsmi hesabata əsəsən, yanvar-avqust aylarında əhaliyə göstərilən ödənişli xidmətlərin dəyəri 2017-ci ilin eyni dövrü ilə müqayisədə real ifadədə 2,8 faiz artıb. Hər bir ölkə sakini orta hesabla 554,5 manatlıq və ya ötən ilin müvafiq dövrü ilə müqayisədə nominal ifadədə 23,1 manat çox müxtəlif ödənişli xidmətlərdən istifadə edib.
