Fərqli istiqamətlər
Sentyabrın 18-də bir çox valyutanın, o cümlədən avro və ingilis funt sterlinqinin rəsmi kursu yüksəlib. Novator.az-ın məlumatına görə, Mərkəzi Bank bahalaşan avronu 1,9876, funtu 2,2363 manata satır.
Gürcü larisi (0,6504 manat), Rusiya rublu (0,0249 manat) və türk lirəsi (0,2688 manat) dəyər itirib, ABŞ dollarının qiyməti isə 1,7 manat həddində qalıb (Məzənnələr).
Dollar martın 7-dən 1,7 manata təklif olunur. İl 1,7001 manatlıq kursla başlayıb. Manatı qorumaq üçün yanvar-avqust aylarında keçirilən valyuta hərraclarında Dövlət Neft Fondu 4 milyard 244,8 milyon dollar məbləğində vəsait satıb.
