Yerevanda mer yarışı: sorğu nə göstərir?
Yerevan Şəhər Şurasına sentyabrın 23-də keçiriləcək seçkidə 12 ictimai-siyasi qüvvə iştirak edir. Proporsional üsulla seçilən 65 yerlik Şəhər Şurasında mandatların yarıdan çoxunu götürən qüvvənin siyahısına başçılıq edən şəxs mer postunu tutacaq. Heç bir qüvvə mandatların yarıdan çoxunu əldə etməsə, meri Şəhər Şurası seçəcək.
Partiyalar Şəhər Şurasında təmsil olunmaq üçün azı 6 faiz, bloklar 8 faiz səs toplamalıdır.
Armeniasputnik.am saytı mer postuna iddia edən namizədlərlə bağlı internet sorğusunu davam etdirir. Novator.az-ın 17 sentyabr məlumatına görə, sorğuda baş nazir Nikol Paşinyanın dəstəklədiyi “Mənim addımım” bloku önə çıxıb: 36,3 faiz. Bu blokun namizədlərinin siyahısında Ayk Marutyan birincidir.
Qalan iddiaçılar belə sıralanır:
Daşnaksütun Partiyası (siyahısına Mikael Manukyan başçılıq edir) –19 faiz
Çiçəklənən Ermənistan Partiyası (Naira Zöhrabyan) –13,8 faiz
İşıq bloku (Artak Zeynalyan) – 7,6 faiz
Əriklər Ölkəsi Partiyası (Zarui Postancyan) – 6,8 faiz
Yerevan ictimaiyyəti bloku (Anait Tərxanyan) – 4,3 faiz
İrs Partiyası (Raffi Ovannisyan) – 3,3 faiz
Yerevanlılar bloku (Ararat Zurabyan) – 2,3 faiz
Demokratik Yol Partiyası (Manuel Qasparyan) – 2,1 faiz
Qanunçuluq Ölkəsi Partiyası (Mger Şahgeldyan) – 1,9 faiz
Ayk Partiyası (Gevorq Ovsepyan) – 1,6 faiz
İslahatçılar Partiyası (Artak Avetyan) – 1 faiz.
