Prezidentin oğlu əsgər andı içib
Sentyabrın 16-sı Dövlət Təhlükəsizliyi Xidmətinin N saylı hərbi hissəsində gənc əsgərlərin andiçmə mərasimi keçirilib. Prezident, ali baş komandan İlham Əliyev, birinci xanım Mehriban Əliyeva və ailə üzvləri mərasimdə iştirak ediblər. Gənc əsgərlər sırasında prezidentin oğlu Heydər Əliyev də olub.
İlham Əliyev şəxsi heyəti təbrik edib, əsgərlərə uğurlar arzulayıb.
1997-ci il təvəllüdlü Heydər Əliyev bu il ADA Universitetini bitirərək hərbi xidmətə yollanıb.
