Azadlığın 100 ili
Novator.az 15 sentyabr paradından fotoları təqdim edir. Azərbaycan paytaxtının Azadlıq meydanında keçirilmiş hərbi parad Bakı şəhərinin azad edilməsinin 100 illiyinə həsr olunub.
1918-ci il sentyabrın 15-də Azərbaycan Ordusu Qafqaz İslam Ordusu ilə birlikdə Bakını erməni və bolşevik işğalçılarından azad edib.
15 sentyabr paradına Bakı Qarnizonunun şəxsi heyəti, Cəmşid Naxçıvanski adına hərbi liseyin, Heydər Əliyev adına Azərbaycan Ali Hərbi Məktəbinin kursantları, Türkiyə Respublikası Silahlı Qüvvələrinin hərbi qulluqçuları, Dövlət Təhlükəsizliyi Xidmətinin, Dövlət Sərhəd Xidmətinin, Xüsusi Dövlət Mühafizə Xidmətinin Milli Qvardiyasının hərbi qulluqçuları, başqa hərbi birləşmələrin nümayəndələri qatılıb.
Azərbaycan və Türkiyə Silahlı Qüvvələrinin hərbi qulluqçuları Qafqaz İslam Ordusunun süvari və piyadalarının qiyafəsində tribuna önündən keçiblər.
Azadlıq meydanında hərbi texnika nümayiş etdirilib, meydanın üzərindən Azərbaycan Hərbi Hava Qüvvələrinin helikopterləri və təyyarələri, Türkiyə Silahlı Qüvvələrinin təyyarələri uçub.
