Avropada inflyasiya
Avropa İttifaqının Statistika Xidməti (Eurostat) inflyasiya hesabatı yayıb. Novator.az-ın məlumatına görə, hesabatda qeyd olunur ki, ötən ay avro zonasında illik inflyasiya 2%, Avropa İttifaqında 2,1% həddində rəsmiləşib.
2017-ci ilin avqustunda avro zonasında illik inflyasiyanın 1,5%, Avropa İttifaqı ölkələrində 1,7% olduğu xatırladılır.
Eurostat 2018-ci ilin avqustunda ötən ilin eyni dövrü ilə müqayisədə ən yüksək inflyasiyanın Rumıniyada (4,7%), Bolqarıstanda (3,7%), Estoniyada (3,5%) və Macarıstanda (3,4%) qeydə alındığını vurğulayır.
Ən az inflyasiya Danimarka (0,8%), İrlandiya və Yunanıstanda (0,9%) gedib.
Avro nağdsız dövriyyəyə 1999-cu ildə buraxılıb, 2002-ci ildən isə real pul vahidi kimi işlədilir. Zonaya daxil olan ölkələrin 19-u Avropa İttifaqının üzvüdür: Almaniya, Avstriya, Belçika, Estoniya, Finlandiya, Fransa, İrlandiya, İspaniya, İtaliya, Kipr, Latviya, Litva, Lüksemburq, Malta, Niderland, Portuqaliya, Slovakiya, Sloveniya, Yunanıstan.
1957-ci ildə yaradılmış Avropa İttifaqının bu üzvləri də var: Bolqarıstan, Böyük Britaniya, Çexiya, Danimarka, Xorvatiya, İsveç, Macarıstan, Polşa, Rumıniya.
Böyük Britaniya qurumdan çıxmaq üzrədir.
