![]({"full":{"0":"2018\/09\/Ordu-1.jpg","1":750,"2":482,"3":false,"file":"https:\/\/novator.az\/wp-content\/uploads\/2018\/09\/Ordu-1.jpg"}})
20 minlik təlimlər başladı
- 17 Sentyabr 2018
- comments
- Novator.az
- Posted in ManşetXəbər
Sentyabrın 17-də Azərbaycan Ordusunun müxtəlif qoşun növləri, qisimləri, birlik və birləşmələri genişmiqyaslı əməliyyat-taktiki təlimlərə başlayıb. Müdafiə Nazirliyinin rəsmi məlumatına görə, sentyabrın 22-dək davam edəcək təlimlərə 20 mindən artıq şəxsi heyət, 200-dən çox tank və digər zirehli texnika, 120-dən çox müxtəlif çaplı raket və artilleriya qurğusu, yaylım atəşli reaktiv sistemləri və minaatan, 10-dək qırıcı və bombardmançı, 20-dək müxtəlif təyinatlı ordu aviasiyası cəlb olunub.
Təlimlər zamanı düşmən müdafiəsinin yarılması, Qarabağdakı Ermənistan hərbi qruplaşmalarının darmadağın edilməsi, ölkə ərazilərinin azad edilməsi üzrə tapşırıqlar yerinə yetiriləcək.
Ermənistan 25 ildir Azərbaycanın Dağlıq Qarabağ bölgəsini (Xankəndi şəhərini, Şuşa, Xocalı rayonlarını tam, Xocavənd rayonunu, keçmiş Ağdərə rayonunu qismən) və onun ətrafındakı bölgələri (Laçın, Kəlbəcər, Qubadlı, Zəngilan rayonlarını tam, Ağdam, Füzuli, Cəbrayıl rayonlarını qismən), eləcə də Qazax rayonunun 7, Naxçıvan Muxtar Respublikasının 1 kəndini işğal altında saxlayır.